شهر سبب للأنيميا فى الأطفال هو نقص الحديد
و الحقيقة ان نقص الحديد فى الطفل ممكن يبدأ من بدرى جدا من قبل ما يتولد
عشان كده الأم عليها مسئولية من و هى حامل انها تهتم بتغذيتها و المتابعة مع الطبيب عشان يشوف مدى احتياجها للفيتامينات و الحديد
فى عوامل تانية برضو ممكن تاثر على مخزون الطفل من الحديد ..
زى انهم يكونوا توائم
او مولودين ناقصى النمو ( قبل ميعادهم )
كمان زى ما اتفقنا ان سوء التغذية
و اننا نتاخر فى دخول الاكل للطفل
و بنلاقى بعض الأطفال الام بترضعهم بس لمدة سنتين كاملين من غير اضافة اى اكل
او الامهات اللى بتعتمد على لبن البقر اللى زى ما اتفقنا مفيهوش حديد غير ان ليه اضراره لو دخل قبل سنة
برضو بعض الأمراض ممكن تأثر على امتصاص الحديد زى الاسهال المزمن و امراض الجهاز الهضمى
او الطفيليات اللى ممكن تسبب فقدان للدم من خلال الجهاز الهضمى
كمان طبعا فى اوقات احتياجنا للحديد و البروتين بيزيد فيها زى اوقات البلوغ خصوصا عند البنات
فبتبقي الفترة دى عرضة اكثر للاصابة بالانيميا
ازاى نشك ان الطفل عنده انيميا .. ده اللى هنعرفه المرة الجاية ان شاء الله
#الانيميا
#اشطر_ماما
#سام_و_رام
#احنا_عيلتك